આજીવન દૂરતાનું ગીત
તું સાથે રહી, ન રહી સાથે
શૈશવથી આજ દિન સાથે રહ્યો છે
તારી સાથે રહ્યાનો મને વ્હેમ
જોઉં તને ને છતાં જોઉં ન હું
તારું હોવાનું ઝાંઝવાની જેમ
એકલો હું ચાલું ને તોય મને લાગે
કે ચાલે તું મારી સંગાથે
તું સાથે રહી, ન રહી સાથે
ઉંમરની સાથે જ વધતું જાય દુ:ખ
અને વધતો જાય પીડાનો વ્યાપ એવો આપણને દૂરતાનો શાપ
આજીવન મળવાનું ક્યારેય નહીં થાય
હાથમાં જો હોત મારા ભૂંસાવા દેત નહીં નામ મારું ચીતરેલું હાથે
તું સાથે રહી, ન રહી સાથે
