કાંટા વાગ્યા તો જાણ્યું મેં;નો’તો એ હાથ સુંવાળો! | -મુકેશ પરમાર "મુકુંદ" | Kata Vagya to Janyu me | Mukesh Parmar "Mukund"

આવ્યો જ્યાં કાગડો કાળો,

છોડી ગ્યાં સૌ લીલી ડાળો!

થોડું પીળું થ્યું ઝાડવું,

ને બદલ્યો પંખીએ માળો!

કાંટા વાગ્યા તો જાણ્યું મેં;

નો’તો એ હાથ સુંવાળો!

ના પગમાં જોડા, નાં મોજાં;

છે આ મારગ પણ પથરાળો!

દુઃખોની દાવત મારે ત્યાં;

દુઃખીબાનો હું ઘરવાળો!

ખોટું રોયાં સૌ મૈયતમાં,

જેના ઘરનો હું ગરમાળો!’

કાંચિડા જેવા કામો છે,

આ માણસ નાં, છે તરગાળો!

-મુકેશ પરમાર "મુકુંદ"